Thursday, January 10, 2013

ADÍKÉ LEKOR


Bhaigeswar Pogag


Adíé ayirso gítíla gídung,
Tani: ayangé mo:píso yoktíla gídung.
Ayang a:bom mitpansudung,
yelam kumli:ém sígmínsudung.
Opín ara:ngído pamínsudung,
yelam kumli:ém abobodung.
Hindu-Musolman,Jain-Budho Sikh- kristan,
Do:nyi-po:lo émna luker kermínsudung.
Donam tí:namlo yotka:mínsudung,
yelam do:yingki ge:ngkamínsudung.
Rígbo kéba:lo gírík-oríkmínsunkuma:pé
Gí:dí ormaném aso aso:pé mitpansudung.
Opín dírbém mépagbomdung,
Gí:dí ormané aso aso:pé yogbomna gídung.
Tani:é tani:ém simín siarapé ka:dung,
Ki:rug rugmapé abbuk jo:la mi:rug rugdung.
Sí:sangé anu lusula dakor kordung,
Akuéné bé:lé:ngém mo:písokké méyogbomdung
Anu bédalo gídung émna kémoné bélamlo gíkepsudung
Éddiko ruwad maduji,déddíngko dakorém korkepsudung .
Taléng  kutkíso tani: yenamsim ka:si:suma:mílo
yapo ya:yangé ro: ya:yangé ji:nga:la gíye.
Adí é sé:komsin toya:la: du:mang,
Nom mépakla lé:yé dakorém korépí ma:mílo.
Bédu: bédangém argom-ta:pare partitye,
Nok dakorém adí lékorki kormínma:mílo.

No comments: