Mi:tom Abhijit Pa:yengké Mé:tom Aumko
 |
| Liga:lok purang apin kunnane taling ekkam aming |
MÉ:YOG MA:LANGKA
Oi Mising ya:me:a
Gonro ugan, Mibu galukdé
Nom aipé ka:jí:dag.
Oi Mising mímbíra
Ribi gaséng, yakan egedé
Nom aipé kayumdag.
Gonro ugan, Mibu galukdé
Ribi gaséng, yakan egedé
Noluk kangkiné.
Gíné líga:do
Nok gerki-gerpagna
Dum-dum dinamdo
Aipé so:po:dungngai.
Nok koyemona yirra
Lo:le, oi- goggoddo
Aipé tutag-tapung mutpo-dungai.
Sinnyingké líga:so:sin
Lékoda gumrag magsongko sona:pé
Do:lungké (Mothowkhur) mírong okumdo.
Nokkolo:pé ang-asinki
Ngok lupangko
Oi Mising ya:me:a
Oi Mising mímbíra
No Delhi, Mumbaibo du:do:gom
No Kolkota, Londonbo du:do:gom
Mé:yog-ma:langka
Ali-aye-lígangém.
Ali-aye-lígangé
Nok dírbíé
Ali-aye-líga:do
Sedi:-me:lo
Rugji-me:ramí: lutomna
Ali:ko lígod ru:lang
Ali-ayedo dung
Nok turgo do:yingko.
Geyop-geyoppé gesa:péné
Arig-ísíng do:yingko
No ungkoloi du:dogom
Mé:yog-ma:langka
‘Ali-aye-lígang’ gomugém
MÉROM RÍSÍ:DÉ
(Ta:to Uyu posum Mibu Biruson Bori:mí mé:pa:na)
Ya:yok kamanamdéi pídunga:bo
Ta:tobí:sin kakuma:na
Mérom rísí:dé
Rongngam pésamé ……
Ali-aye-liga:do
Ba:ri sungkendo
Khagori nebir bíryetna
Ali-aye liggodnék katokumang.
Yoktu:, Pakur kídarém
Asiko píyarra
Taléng ékkamki
Agyetnék katokumang.
Sedi-me:lomí lutomna
Abang alamki
Mibu abang
Írroi í:nék katokumang
Rabbé pérabdo
Ígsa:na ménam yogsadém
Asiko píyarra
Nogjin, Po:ro apong
Nebir porog apí, take, ambínki
Írnéko katokumang.
Ranganoi a:nédo
Yogsamí sutjíngge:n
Noang:kunék katokumang.
Yogsadé rakodbu:bu:na yaka-kuyagna
Pérab-rabbédoi dung.
Kido-ramdodo
Dogné tarog, Ko:bo kiringki
Takir ka:binék katokumang.
Dogné tarog, Ko:bo kiringdé
Mérom rísído tusa:nam
Munang ara:dok
Kampon eto:bo:n gasorki payegdo
Gopar bukna dung.
Ta:tok dungko méram rísídé
Rongngam pésamé ……..
Ta:to-yayok aya:ngém
Mé:pa:yékumíl
Luna:suma:pé bidlenpé idag
Amik bípogné amik-miksi:é.
 |
| North Lakhimpur lujar lo gine ditag lo inam Ligang |
SINNYINGKÉ LÍGA:SO
Sinnyingké liga:so
Ba:ké lutum tadge:ma
Nanké luyir tadge:ma
Mé:nammí asin do:yingém
Sagdanna kípé.
Édíko niyad yebo:né sísang asiném
Édíko luyad yebo:né mé:bomsun asiném.
Mé:namké dumsíg migmodé
Ro-yumépé yinggo:dung
Amik tubí:so.
Dungu-dungagé
Méngu-méngagé
Yubkodo:sin yubli:mang
Dolí: tí:lí:mang
Mé:dodo a:ngé kidung
Mé:dodo tukku:é dumudung.
Sinnyingké líga:so
Ranganoi asi pigodo
Akunpé yetna du:né
Asin do:yi:sém
Mé:nammí kídanpé…..
Oyya
Noéi ngokké
A:ng asiné
Turkol turjonpé
Sikol jijonpé.
Pesupé sinnyingké
Ali-aye-líga:so.
Dungko-Ramayan Apartment, Vaid Layout, Civil Lines
Dungko-Ramayan Apartment, Vaid Layout, Civil Lines
 |
| Lo lo:le lo...Ligang ayir dok mimbir lok maksong soname aipe asinang omodung |
Líga:so Lupébong
Mg. Bhaskor Pe:gu
Toya:la dung ginmur po:lolok ésarém
Édé singgi gimur yí:né ayirém
Tagad appun punné ayirém
Líga:so lupébong nom ngok asin agomém
Lí:né -gené mosang ege gé:namdé
Nok koyém-kosémla yirra luposunamdé
Nok otsurémpiné migmodé
Gamig mimangkísapé ma:nying ka:modung
Oi-ni:tompéi tomsar bipébong
Ngok lésila lénam asin agomém
Gumrag maksong so:dodo soyung kapkampé
No:sin ngom lubilang nok angkéng agomém
Dungko:Dibang Hostel,IIT Guwahati
